Preparando cambios no sitio web dei por experimentar varias formas de representar graficamente a información estatística, nomeadamente representacións cartográficas de datos para os concellos galegos. Esta anotación amosa as posibilidades de Tableau Public, un dos servizos con modalidade gratuíta que vén merecendo mellores críticas por parte dos especialistas en visualización de datos.
Revisito un traballo que realicei con ocasión da catastrófica vaga de incendios de 2006. No artigo analizaba a relación entre os lumes rexistrados no quinquenio 2001-2005 (últimos datos feitos públicos pola Xunta de Galicia a nivel municipal), e a cor política dos concellos ardidos.
As familias dos concellos galegos menos dinámicos socioeconomicamente foron os primeiros en sentir os efectos da crise económica xa en 2008. Na análise dos ingresos parece existir por tanto unha analoxía entre concellos e familias ou individuos con menos renda, o que é unha nova proba do aumento das desigualdades.
Nesta anotación abordo por fin un aspecto que é 100% responsabilidade dos Concellos e dos seus gobernantes: a fiscalidade municipal, a facenda local. Os resultados amosan que as principais forzas políticas galegas se comportaron nos concellos segundo cabía esperar dos seus discursos, aínda que todas en conxunto seguen contribuíndo ao raquitismo fiscal dos concellos.
Continúo a análise do rendemento das forzas políticas nos 315 concellos galegos co tema crucial do desemprego. Os resultados amosan un comportamento moi semellante para a maioría de partidos políticos, máis aínda que no caso da poboación, e igual de desalentador para calquera tipo de concello que consideremos: desde os moi dinámicos até os recesivos.
Nas últimas semanas volvemos asistir máis un ano á constatación do atraso demográfico de Galicia en relación con España e da Galicia interior con respecto á costeira. Medios de comunicación e forzas políticas volven colocar por un tempo este tema nos destaques da actualidade informativa.
Con ocasión das eleccións municipais do 22 de maio de 2011 enceto a publicación dunha serie de artigos de análise do rendemento das forzas políticas nos gobernos municipais dos 315 concellos galegos.
Nesta anotación analizo a relación entre a evolución do voto ao BNG e unha escolma de máis de 50 variábeis socioeconómicas con información dos últimos anos no ámbito galego.
A evolución do voto ao BNG mídese como a diferenza entre as porcentaxes de voto obtidas en 2005 e 2009, calculadas ambas sobre o total do [...]
Traducir Traduzir Translate
Servizo fornecido por OpenTradTwitter
Facebook
Google+
Etiquetas
#15m #22m 2011 abstención acb age anova autonomía autonómicas baloncesto bipartito bng cis cociña concello economía eleccións electoral encuesta enquisa esquerda estatística estimación galego galicia galiza house effects inquérito iu localización mapa modelo municipais municipal nacionalismo parlamento participación partido política psoe resultado sondaxe sondeo tradución votoIndicadores IGE

