O meu nome é Carlos Neira Cortizas e dedícome profesionalmente á consultoría nas áreas da economía, a estatística, a administración pública e a comunicación. Calidonia Hibernia é o meu nome comercial que tamén dá título a este sitio web.

Formeime como economista especializado en metodoloxías cuantitativas na USC, e desde entón realicei traballos en diversas áreas científicas e profesionais. Desenvolvo proxectos específicos e integrados relacionados co deseño de operacións e a análise estatística, o diagnóstico socioeconómico orientado ao desenvolvemento rexional e local, á ordenación do territorio e ao planeamento urbanístico, ou ao estudo das facendas locais.

Ao longo da miña traxectoria teño traballado no ámbito da comunicación política e dos medios de comunicación, especializándome nomeadamente na realización de enquisas electorais. Nos últimos anos sigo de preto e con especial interese o desenvolvemento das novas tecnoloxías da información e da comunicación, implicándome na súa aplicación práctica a todos os campos nos que traballo.

Podes atopar máis información sobre o meu currículo nas redes profesionais LinkedIn, Xing e Infonomía.