O meu nome é Carlos Neira Cortizas. Dedícome profesionalmente á consultoría nas áreas da economía, a estatística, a administración pública, a comunicación e as novas tecnoloxías da información. Calidonia Hibernia é o meu nome comercial, e tamén dá título a este sitio web.

Formeime como economista especializado en metodoloxías cuantitativas na USC, e desde entón realicei traballos en diversas áreas científicas e profesionais relacionadas co deseño de operacións estatísticas, o diagnóstico socioeconómico e empresarial e a avaliación e implementación de políticas públicas. Como resultado das tarefas de dirección e supervisión d eproxectos posúo experiencia na planificación e organización do traballo e na xestión do coñecemento.

Ao longo da miña traxectoria teño traballado tamén no ámbito dos medios de comunicación, especializándome nos estudio de opinión e na análise sociopolítica e electoral. Sobre este tema teño investigado e publicado, sendo un dos meus temas preferidos que ocupa boa parte dos contidos desta web.

Usuario da informática persoal desde os 11 anos co tempo, a inquietude e a experiencia fun adquirindo habilidades tecnolóxicas que acabaron desembocando no meu descubrimento do software libre e as súas múltiples posibilidades. Froito da combinación entre este movemento e o meu traballo é a localización de software ao galego e introdución no mercado galego do primeiro sistema profesional de enquisas multilingües orientado á empresa.

Na actualidade sou membro da Sociedade Galega para a Promoción da Investigación Operativa, SGAPEIO, e da Asociación Española de Responsables de Comunidad, AERCO. Podes atopar máis información sobre o meu currículo na rede profesional LinkedIn. Dúas versións visuais do mesmo poden verse aquí e máis aquí.