Alén de estimacións de voto e reparto de escanos este é o dato que amosa o maior cambio sociopolítico de Galicia nos últimos 18 anos.

E demostra, ao meu xuízo, entre outras cousas, que:

  • Galicia está perfectamente inserida en España e non está nin estivo nunca pola independencia.
  • Galicia non está nin estivo probablemente nunca no nivel de nacionalismo de Euskadi e Catalunya.
  • A crise evidencia a necesidade e a demanda cidadá de simplificación da Administración, da que a Autonomía non se salva.
  • O nacionalismo galego e a franquicia galega do PSOE perderon case 20 anos de Historia por non artellar un proxecto político autonomista e federal.

2 Responses to OPA 2012: O dato máis preocupante da enquisa do CIS

  1. Filipe Díez discorda da miña idea e defende que o resto de indicadores sobre identidade nacional non varían. Comete ao meu xuízo o mesmo erro que aquelas persoas que afirman que Galicia non pode ser unha nación sendo CC.AA. ou dentro de España nun Estado Federal. Hai xente que perfectamente pode considerarse tan galega como española (case 2/3 da nosa sociedade) e preferir un estado máis centralizado, ou que sentíndose máis galega que española crea que as CC.AA. actuais colman os seus desexos de autogoberno, como parece que está acontecer.

    Neste artigo confírmase a miña percepción sobre os datos de CIS. Como se ve, a dinámica recentralizadora e o punto de inflexión son coincidentes en Galicia e España, malia a haber diferenzas de nivel pola presenza do nacionalismo vasco e catalán no total, sinalando o inserimento pleno da opinion pública galega na española nesta cuestión.

  2. Concordo plenamente contigo neste aspeito. No entanto, analisando devagar os dados, observa-se que à questão “é vostede nacionalista galego”, este vai subindo a medida que baixamos na idade, chegando a un 35-60 na franja etária dos menores de 25 anos. Pelo tanto, na realidade o dado que amostras aqui produz-se para os maiores de 45 anos, aqueles votantes tradicionais do PP e do PSOE que apostanto pelas CCAA agora passam-se ao Estado centralizado, igual que na Catalunha os que estavam em possições federais, agora apoiam a independência. Como sempre diz o Camilo Nogueira, nunca houve tanto nacionalista galego no País. Outra cousa é que se esteja a canalizar adequadamente no sistema político. De resto, as opções nacionalistas (se aquí incluirmos a AGE, eu acho que sim) obtiveram no seu conjunto a maior % de votos da história.

Deixa unha resposta

O teu enderezo electrónico non se publicará Os campos obrigatorios están marcados con *

*