Comentários em: Actitudes galegófobas

Por: Actualizacións estatísticas « Calidonia

Actualizacións estatísticas « Calidonia — Tue, 10 Aug 2010 02:21:25 +0000

[...] Actitudes galegófobas: Unha aplicación de técnicas estatísticas multivariantes aos datos dun estudo sociolinguístico [...]

Por: Gonzalo

Gonzalo — Sat, 20 Feb 2010 17:37:52 +0000

Acabo de atoparche esta entrada (levo un tempo moi desconectado). Parece un traballo moi interesante, pero me faltan datos para interpretar correctamente os resultados. Podes dar algún dato máis sobre as análises? Por exemplo, non teño moi claro que representan as figuras. Entendo que o deseño é confidencial, pero podo vivir sen eso.

Por: Carlos

Carlos — Wed, 20 Jan 2010 18:28:17 +0000

Totalmente pertinentes os comentarios. A mostra foi autoseleccionada e polo tanto pode conter nesgos, mais o salientábel non é tanto a maior ou menor importancia numérica do grupo de ‘outsiders’, que inequivocamente e por moito nesgo que exista son claramente menos, senón precisamente a súa existencia como elementos estranos ou alleos aos ‘lugares comúns’ do discurso acerca da lingua, ese espazo onde o consenso pode ser construído. En todo caso o universo a partir do cal se conformou a mostra está composto por individuos que se sitúan por riba da media en termos de xuventude, formación e ingresos. Canto ás variábeis son as habituais nunha enquisa sociolingüística e neste caso foron visadas e aprobadas por máximos especialistas na materia. Un saúdo.

Por: qualquer

qualquer — Wed, 20 Jan 2010 17:01:17 +0000

Non sei, non sei… estas aproximacións cuantitativas poden conter sesgos importantes, especialmente no que se refire á identificación (e á escolla, coas conseguintes desviacións) das variábeis analisadas. Unha imaxe vale mais que mil palabras, mais sen unha análise previa e unha xustificación rigorosa do universo escollido e das variabeis selecionadas para o estudo, moito me temo que a súa validez é mais mediática que academica… por moito que intuitivamente poidamos estar dacordo co que se amosa, que é o meu caso.

Ana.

Por: suevo

suevo — Tue, 19 Jan 2010 17:05:44 +0000

Seguro que o seu traballo será bo, coma sempre. Mais eu continúo sen ver zocho!

Por: Carlos

Carlos — Tue, 19 Jan 2010 16:40:15 +0000

Instalei un complemento que permite facer zoom sobre as imaxes ao premer nelas. Espero que iso permita ver mellor as gráficas.

Por: Carlos

Carlos — Tue, 19 Jan 2010 15:55:50 +0000

En cada unha das gráficas os eixes de coordenadas non son variábeis observábeis, senón unha combinación lineal de varias variábeis. Cada eixo é un factor complexo que subxace ao conxunto da información analizada, correspondendo o eixo horizontal ao factor que explica unha maior parte da información total, e o vertical ao segundo.

Na primeira das imaxes ambos eixos están definidos conforme ás respostas dadas ás 8 preguntas realizadas e máis á variábel frecuencia de uso do galego. Na segunda das imaxes tívose en conta esta última variábel conxuntamente coas respostas de tipo binario asociadas a unha lista inicial de 14 adxectivos, dos que ao final só se representaron os máis significativos.

Noutras análises semellantes introdúcense variábeis de clasificación sociodemográfica que permiten observar ademais as diferenzas por xénero, idade, estudos ou hábitat en relación coas variábeis representadas. Nestes casos optouse por non incluír estas variábeis porque non resultaban excesivamente significativas ao se tratar dunha mostra plenamente urbana moi determinada.

Por: Colazo

Colazo — Tue, 19 Jan 2010 15:51:18 +0000

Non se podería ver con máis detalle?

Por: caralladas

caralladas — Tue, 19 Jan 2010 15:46:09 +0000

Magnifica análise, veño de chuzala.

Podes explicar os eixos das gráficas, qué miden en cada caso?

Por: chuza.org

chuza.org — Tue, 19 Jan 2010 15:22:56 +0000

O rostro da galegofobia…

Soberbio análise estatístico de Calidonia, a respecto do uso e da percepción social do galego. As conclusións son ben esclarecedoras: Existe unha maioría social máis ou menos ‘compacta’, pero cunha minoría máis alonxada de parámetros ‘normais’. Est…