De como un xornal bota abaixo un Goberno

De O 28 de Marzo de 2009 · 19 comentarios · En estatística, política

A campaña de manipulación informativa que La Voz de Galicia levou a cabo contra o BNG nas pasadas eleccións ao Parlamento de Galiza é un dos factores máis recorrentes nas análises dos resultados que o nacionalismo vén de colleitar.

Non pretendo agora dilucidar cales foron os erros cometidos polo Bloque nas súas estratexias política e mediática, nin tampouco na súa campaña electoral, nin avaliar a súa importancia. Só quero amosar coas dúas gráficas seguintes a realidade explicada a nenos e nenas (premer nas imaxes para velas aumentadas no Flickr).

LaVozDeGaliciaEBNGNasEleccións2009

LaVozDeGaliciaEBNGNasEleccións2009

Fonte: Resultados oficiais provisionais, enquisa de audiencia de medios en Galiza (4.000 entrevistas), e elaboración propia.

A audiencia de La Voz cóntase entre os catro factores reais máis importantes, medíbeis cuantitativamente, do descenso en votos do BNG. Os outros factores son os recollidos na anotación en que tracei unha análise global dos resultados electorais: nivel de renda, desigualdade de renda, e nivel de monolingüismo en galego. Todos eles son máis relevantes para explicar o retroceso do Bloque que mesmo o tipo de hábitat ou a idade dos electores.

O nivel do retroceso, medido en porcentaxe do censo electoral (non de votos emitidos), é maior nas catro comarcas da provincia da Coruña nas que máis se le La Voz. A partir de aí e con audiencias decrecentes figuran o resto de comarcas orgánicas do BNG, primeiro as do resto da Coruña e finalmente as da área de influencia de Vigo. Seguindo esa ordenación, case en paralelo á distancia en Km á cidade coruñesa, atopamos, en xeral, caídas moito menores e mesmo algúns incrementos. As principais excepcións a esta correlación case lineal entre incidencia de La Voz e retroceso do BNG atopámolas nas comarcas máis urbanas, desenvolvidas e castelanfalantes.

 
Se che gustou compárteo!
Facebook Twitter Delicious

  • Pingback: chuza.org

  • petopitopato

    Noraboa pola gráfica e o análise. Agora ben, a campaña de la voz no foi so puntual na campaña (onde se acentuou de xeito escandaloso) senón que foi constante ao longo da lexislatura. O periódico sempre tivo unha actitude negativa cara tódalas iniciativas do executivo… encubertas baixo unha capa de sospeita ou ninguneo nunca foron elevadas a categoría de titular positivo. Na vez de crear unha corrente empática, foi calando coma o orballo a idea dun executivo baixo sospeita… e despóis foi máis doado rematalo. E calou non so entre a parroquia da dereita senón entre a parroquia progresista e ise foi o traballo máis tremendo… furaron como zapadores nos alicerces da esquerda e sin facer moito ruido. O máis alucinante foi a bisoñez do goberno sainte con respecto a este asunto.
    Ao caso do concurso eólico ainda non teño claro cales foron as razons de que o concurso colidise cos intereses de «familia» de la voz e con respecto ao novo periódico tampouco entendo por qué se liga a un partido, que nin edita nin é accionista, ao lanzamento do mesmo. Son preguntas.

  • http://www.surfgz.com Kiko das Leiras

    Excelenta análise!

    A Voz de Jalisia manipula é desinforma! BOICOZ XA!

  • LIRA

    E Martiño non é do Bloque?
    Eu leo La Coz e algo non cadra.

  • http://arumes.blogspot.com arume dos piñeiros

    E non será que LVG responde a percepcións de determinados votantes coruñeses? Non hai que descartar que a Voz de Galicia dea satrisfacción a eses votantes e non ao revés.
    Este é factor que nunca hai que descartar. Póñanos, amigo Calidonia, o nivel de rexeitamento do BNG por parte do electorado nas enquisas que manexa.
    Eu non acredito a capacidade de mutación de conductas electorais por lectura de xornais. Hai que contar que certos votos que foron a Terra Galega poderían ter cambiado algo o panorama. Sobrevaloramos a importancia da vozdegalicia e, sobre todo, en votantes que algunha vez votaron nacionalista.

  • http://modestoweb.org/ Modesto

    La Voz de Galicia is overrated :P

  • Calidonia

    Petopitopato: Claro que La Voz foi inimiga do BNG toda a lexislatura. Iso non ten dúbida. Testemuña innegábel é a campaña sen vergoña de acoso e derrubo a Ánxela Bugallo e á Cidade da Cultura, botando man por certo de filtracións interesadas provenientes da UPG, o partido que agora se queixa de que lle fagan caso ao Beiras para visualizar a realidade dun BNG dividido. Hai máis exemplos que estes, en todo caso. O que non se pode negar é que desde a última fase do concurso eólico (hai un artigo de xullo de 2008 no que a propia Voz gaba o potencial eólico e os seus efectos beneficiosos para o país) e desde a saída de Xornal (cuxa existencia en papel non se pode entender sen os acordos do BNG con Jacinto Rey e Xosé Luís Gómez arredor do citado concurso) dita campaña velenosa e mezquiña acentuouse, desaparecendo aquelas poucas noticias favorábeis ou de corte institucional que até entón (supoño) viñan sufragando as coñecidas e rexeitábeis axudas aos medios.

    Lira: Contesteille arriba. É evidente que Martiño (Noriega?) é do BNG. Se La Voz lle dá cancha a el e máis aos beiristas tire Vostede as súas propias conclusións acerca do por que. Para min, alén da súa evidente importancia informativa (non a deles, a da ruinosa situación do nacionalismo -que xa non do Bloque- á que nos ten levado a UPG) está claro que La Voz segue interesada en facer leña da árbore caída. Mais se me pregunta que me parece, paréceme ben. Paréceme moi ben que se fale do BNG fóra do BNG, e paréceme ben que a xente que o fai dea a cara, e non así outros moitos, nomeadamente da UPG, que pactan con La Voz o descabece de persoas -compañeiras e compañeiros- que non son da súa corda. Remítoo ao último aforrismo da segunda entrega.

    Arume: Podería ser iso e outras cousas, como non. Mais se me fornece un correo electrónico mándolle por correo electrónico un modelo econométrico con toda a información estatística asociada que demostra o por que a variábel audiencia é relevante (a cuarta tras dúas relativas á renda e máis a do uso do galego) e outras moitas non. A relación de Terra Galega na baixada do BNG está analizada na presentación que colguei hai varias anotacións: non é en absoluto relevante a nivel galego (si algúns casos concretos, nomeadamente en Ferrolterra), e si o son a abstención e o voto en branco, por exemplo.

  • http://arumes.blogspot.com arume dos piñeiros

    Aproveite, amigo Calidonia, o servizo do feisbu. Estarei moi agradecido polo seu envío.

  • http://arumes.blogspot.com arume dos piñeiros

    Fixen unha conta rápida coa lei d’Hondt na man e os votos de Terra Galega para o BNG (que é moito dicir) e a cousa entre o último para o PP e para o BNG anda por aí. Pero xa digo: foi cálculo moi rápido.

  • VaiaHo

    Boa análise, sobre todo se temos en conta a desmobilización da xente nova non convencida que podería ter votado, pero que se fartou de falar-debater-indignar do coche do Torito e das navegadas de Quin…

  • calidonia

    Para curiosos, dicir que esta análise foi ligada en dous foros web do ámbito coruñés, para inmediatamente ser descualificada. Ditos foros son:

    Skyscrapercity.com

    Riazor.org

    Tamén en Galicia Confidencial reproduciron un dos gráficos e se abriu un debate sobre esta anotación, visualizándose claramente as dúas cuestións de fondo: a relación cos medios e a utilización dos resultados para cortar cabezas.

  • uxia

    JA,JA,JA,JA… Si es que sois unos pailanes. Ahora resulta que el BNG no gobierna porque no lo quiere un periodico. Es de traca, este nacionalis-victimismo es de manicomio. Buscad, buscad fantasmas donde no los hay en lugar de hacer más autocrítica, que asi os irá. Menos mal que ahora con el Ayzmerreir, perdon, Aymerich os va a ir peor. Al BNG le quedan 2 telediarios. Por cierto, el descenso de votos en Coruña se relaciona más con toda esa vomitona anticoruñesa que rodea a los boinagueros y en especial al sr. Aymerich. ¿realmente pretendian captar votos insultando a mas de 400.000 personas? Lo mejor que podeis hacer es perderos en un monte y enterrar vuestra cachola en estiercol, asi vivireis mas intensamente esa Galcia que tanto añorais (y la que nos supuso al resto tener que emigrar para ganarnos la comida). Pailanes.

  • calidonia

    Por fin. Xa me tardaba ser quen de chegar con algunha anotación alén do mundo galegofalante e/ou galeguista/nacionalista. O retrato que realiza este comentario é insuperable. De si mesmo/a, claro. Satisfacción plena.

  • calidonia

    Quen cuestionou aquí o resultado electoral? Quen falou de que non haxa democracia? Quen dixo que tiña que gobernar eternamente o bipartito?

    Aquí estanse analizando os factores que teñen que ver co retroceso electoral do BNG, e un dos que se revela como causa principal do mesmo é La Voz de Galicia e a súa manipulación informativa. Se ten algo que dicir sobre isto, dígao.

    Que nivelazo de comentarios. Case que mellor vou ficar coa miña audiencia habitual.

  • pepiño

    Digo yo,entonces no hay democracia?.
    Porque hicimos elecciones?.

    Que gobernase eternamente la coalicion psoe-bng y listo..

    Manda huevos,lo que uno tiene que leer.si fastidia perder,en vez de cargar contra el pueblo,por ser manipulable,cargamos contra un medio.

    Y que dices de «cuatro» la sexta,el pais….

    vamos,que eses no hacen la misma gaita.

    Lo dicho.Que no hay democracia….que tenía que gobernar solo el psoe-bng.

  • uxia

    Algo muy habitual en los nazionalistas, en cuanto oyen lo que no les gusta, lo ignoran. Y de paso aprovechan a verter siempre mierda sobre los habitantes de una misma ciudad, a la que crucifican por no haber conseguido de nuevo la llave del gobierno. Una cosa esta clara, si realmente la Voz tuvo algun efecto sobre los resultados electorales, me alegro. Ya va siendo hora que desde esta ciudad enseñemos a unos cuantos que no se puede pretender insultar a nadie gratuitamente sin ser castigado por ello. Y esperad, que primero fue la Xunta y lo siguiente serán unos cuantos ayuntamientos los que perderá vuestra querida coalición. Al Bng le queda muy poquito…

  • http://ferrolsuso.blogspot.com/ SUSETE70

    Parabens polo traballo,engadiremos o boicot xa.
    Pero aparte da publicidade da COZ DE GALICIA en contra do bipartito,cabe reseñar que istes fixeron oidos sordos as chamadas de auxilio dos galegos,seguiron na dinamica empezada polo PP de destrución do ecosistema.
    AGORA O PAÍS DOS MIL RÍOS CONVIRTEUSE NA PROVINCIA DAS MIL INDUSTRIAS CONTAMINANTES E PERIGOSAS.
    Xa decia Albert Einstein-O perigoso non son os homes que fan o mal,SON OS QUE SE SENTAN A MIRAR.
    FAI FALLA UN XIRO A ESQUERDA XA NA POLITICA DO PSOE E DO BNG,É O QUE RECLAMA A SOCIEDADE.
    APERTAS PRA TODOS

  • Galêzio

    A «Coz» é um cáncro para a liberdade da Galiza… já o era quando eu fui candidato a alcaide no 1979… Aconselho que jamais se compre esse jornal…

  • Pingback: Análise da abstención nas eleccións municipais do ano 2011 en Galicia | Calidonia Hibernia