Disculpa o momento e o lugar, pero teño o meu blog da Blogaliza sableado de coments spam. Non dou abasto a eliminalos. Xa mirei os foros, pero non me aclaro nada…hai algo que se poida facer?

Se é así, cal é o efecto global nas autonómicas para a suma PSOE+BNG? Para o mantemento reeedición do bipartito? Pois negativo claro. O máis beneficiado sería o PP, a dereita.

O beneficio do BNG é indirecto e menor, e baséase en a) que como forza minoritaria sempre tivo un voto máis fiel -que o PSOE, aínda menos que o dos vellos, que é e será maioritariamente para o PP-, e b) que o desprazamento -mínimo pero real- do seu electorado cara o centro e a xente de mediana idade o deixa menos exposto á tradicional abstención xuvenil.

O de que o BNG anda mal nas cidades non é unha teima, debo dicilo con rotundidade. Está demostrado por cando menos todos os resultados electorais desde 2001. Se medimos o apoio ao BNG en porcentaxe de votos sobre o censo electoral e non sobre voto emitido debe saber que nas últimas auttonómicas, nas últimas municipais, e nas últimas xerais o BNG obtivo a mesma porcentaxe no conxunto das 7 cidades que nos concellos de menos de 5.000 habitantes, isto é, a Galiza máis rural e dispersa.

Se a comparación válelle direille a respecto da Galiza metropolitana -concellos de entre 20.000 e 50.000 habitantes- que aí o BNG ten a mesma porcentaxe que nos concellos de 5.000 a 10.000 habitantes, isto é, a Galiza algo menos rural, pero máis rural que vilega.

Onde o BNG vén acadando o seu máximo apoio é no intervalo central -de 10.000 a 20.000 habitantes- onde hai de todo: desde o rural de Santa Comba ou Vilalba, até as áreas urbanas e rururbanas de Teo, Cambre ou Mos, pasando por varias vilas onde aí si ten o BNG varias alcaldías notábeis, pero sen ser tampouco a norma.

Segundo, ao redor da teima de que o BNG ten un problema co voto urbano, coido que se debe matizar. O BNG ten un problema co voto das grandes cidades (alí onde o PP parece estar forte…), pero non así nos concellos periurbanos que forman parte das áreas metropolitanas do país, por tanto urbanas. Con isto non quero dicir que non lle deba preocupar ao BNG o primeiro…

Finalmente, coincido coas dificultades de predecir o sentido da abstención. Engadiría unha variábel máis: non vexo ao PP do rural tensionado de cara as eleicións. Veremos como evoluciona isto, pero podería derivar en maiores niveis de abstención…

Unha aperta!

Comentei hai un tempo que a data das eleccións, así como a falta de publicidade institucional, son mecanismos disuasorios da participación interior que o PSOE está manexando procurando deter o avanzo do PP nas zonas urbanas, precisamente onde está máis forte, sen importarlle se a abstención tamén o prexudica a el -cousa coa que xa contaban, ao ser esta unha elección de ámbito autonómico onde sempre hai máis abstención, e ao supor uns comicios de continuidade, onde se ben é certo que o resultado non está totalmente claro a maior parte dos indicios apuntan a unha reedición da maioría bipartita. Como dixen nesa outra ocasión a data das eleccións finalmente elixida por Touriño beneficiará indirectamente ao BNG nestas zonas urbanas, xa que o nacionalismo xa non depende tanto como antano do voto ou da participación da xuventude, así como do electorado máis crítico.

A súa afirmación non se opón, en todo caso, ao que comentei neste artigo. En termos globais -perspectiva histórica, resultados reais, todas as eleccións- é máis certo o efecto que comento eu polo cal a abstención é inimiga do PSOE. A situación que comenta Vostede pola cal a abstención pode ser prexudicial para o PP no ámbito urbano, é un efecto conxuntural e novidoso máis do que estrutural, aínda que non é descartábel que nos próximos anos asistamos a unha importancia crecente do mesmo.

Obrigado por debater.

Calidonia inicia unha serie de post dedicada a análise dos resultados electorais en Galiza, cun primeiro artigo sobre a abstencións e datos curiosos. «A data que sinala unha caída no nivel xeral da abstención en Ourense coincide coa chegada a Gali…