Pluralidade informativa bipartita

Por o 26 de Setembro de 2008 · 7 comentarios · En estatística, política

As novas tecnoloxías é o que teñen. Abonda cun fluxo RSS, un cron e un script para obter un banco de datos informativo de primeira magnitude. Daí ao datamining só hai un paso.

Touriño e Quintana. Das novas institucionais publicadas pola Xunta de Galicia na súa web desde que comezou o novo curso político só o 14% mencionan a Anxo Quintana ou ao Vicepresidente. O 86% falan de Touriño ou do Presidente da Xunta.

O PSOE ten o 66% dos deputados do bipartito, e o BNG o 34%.

Os datos saen dunha mostraxe sistemática das novas publicadas realizada do 6 ao 25 de setembro de 2008.

 
Se che gustou compárteo!
Facebook Twitter Delicious
  • calidonia

    Proudly powered by blogaliza.org ;-)

  • http://blogaliza.org goretoxo

    …e isto é só o comezo, espero

  • Pingback: Galicia Confidencial » Blog Archive » Touriño pasa por riba de Quintana

  • Calidonia

    Prezada Ro:

    O que dis ti é certo e dábao por sabido, polo menos nalgúns círculos, quizá restritos demais. Obrigado por apuntalo.

    Mais as porcentaxes que sinalo están calculadas sobre novas publicadas despois do acordo que citas e que acadaron os dous socios do goberno. As datas do traballo de campo, por así dicilo, son as que se apuntan na anotación.

    Daí que saliente esa baixa porcentaxe do BNG en relación co seu peso institucional (no Parlamento e por extensión no Goberno) co único ánimo de denunciar que malia a ese acordo recente para recuperar a necesaria presenza do sector nacinalista do Goberno na portada da web institucional algúen (obviamente o PSOE) está incumprindo o criterio de proporcionalidade que como mínimo se lle debería esixir.

    Se iso é un efecto derivado de que o acordo é aínda moi recente direillo en datas vindeiras, pois penso seguir observando ese fenómeno.

    Saudiña

  • ro

    Sen ánimo de defender a Touriño ou a Salgado, non se poden achegar eses datos sen explicar o porqué. A parte nacionalista do Goberno deixou en 2006 de achegar noticias á web debido a un durísimo enfrontamento entre as dúas partes do bipartito logo de que o PSOE adxudicou as licencias de tv ás súas empresas amigas (case todas non galegas).

    Hai máis un menos un par de meses que as consellarías do BNG envían as noticias de novo á web xeral da Xunta. Eis a razón dese 14%.

  • calidonia

    BTW iso do 86% da propaganda debe ser proporcional á porcentaxe de orzamento que manexa o PSOE.

  • calidonia

    O 18 de outubro os servidores da Xunta de Galicia comezaron a bloquear a lectura do RSS das novas institucionais por parte dos robots de Yahoo!

    Un mes depois, detectada esta censura, tiven que volver a activalo empregando un intermediario.

    Como se pican estes do PSOE!