Loading

songbird_galego

Songbird é un reprodutor multimedia multiplataforma (linux, windows, mac) gratuíto e libre, vinculado á Fundación Mozilla.

O Songbird aproveita así moita da arquitectura que está facendo trunfar aos produtos da casa Mozilla, e conta entre as súa funcionalidades cun navegador web integrado, a posibilidade de incorporar extensións desenvolvidas polos usuarios, integración con dispositivos portátiles (iPods, USB e demais), unha boa política de control da privacidade sobre os teus ficheiros multimedia (audio e vídeo), pódese integrar co Audioscrobbler da last.fm… Fai todo o que fan outros reprodutores que non son de código aberto, e ademais faino ben, bonito, e barato.

E agora, para acabar de enumerar as súas vantaxes, conta ademais cunha tradución ao galego. Remateina en pouco máis dun día a partir dunha tradución incompleta de aproximadamente o 20% que alguén principiara nunha versión anterior da aplicación. Podedes descargar esta extensión .xpi para traducir a interface do Songbird ao galego aquí.

Songbird é o complemento ideal ao trío formado polo Firefox, o Thunderbird e o Pichiño.

A que esperas para pór os catro mosqueteiros no teu PC?

Top