Nesta anotación emprego os datos do meu sistema de información sobre a ACB para comentar a eliminatoria de cuartos de final dos play off que vai enfrontar a Real Madrid e Blu:Sens-Monbus Obradoiro.
Cada vez que alguén representa nun mapa de Galicia unha variable municipal independente da superficie, sexa esta a poboación, os votos ou a porcentaxe de mozos, un porquiño celta morre esmagado por unha campá de Gauss nalgún lugar deste Far West.
Por invitación da amiga Belén Fernández Suárez o vindeiro luns 18 estarei na Facultade de Socioloxía da UDC para falar de sondaxes electorais en Galicia: aspectos metodolóxicos, historia e comportamento.
Un dos mellores xeitos de cuantificar e comunicar a desigualdade que eu teña visto. Un magnífico libro de infografías e o vídeo seguinte:
A navegación por estas augas virtuais lembroume que hai tempo fixera unha maquetación para libro electrónico de varias das obras publicadas na Biblioteca Virtual en galego. E hoxe quero compartir con todo o mundo o produto daquel empeño.
A vitoria do FCB Barcelona na Copa de El-Rei foi froito dun traballo colectivo máis que das xenialidades dun xogador ou outro. A elección do MVP presentábase complicada. Atinou a organización ao concederllo a Pete Mickeal?
Despois de clasificar aos xogadores da ACB segundo unha estatística colectiva como a +/-, analizo a súa valoración máis individual a través do indicador PER de John Hollinger.
Kobe Bryant pasa a tirar a metade de veces e repartir catro veces máis asistencias ca antes e os Lakers gañan así o 80% dos seus encontros. Onde está o equilibrio entre individualidade e xogo colectivo? A estatística +/- axúdanos a ter unha visión complementaria da valía dun xogador.
Se Nate Silver pode falar de béisbol eu podo falar de baloncesto. A tempada histórica que está a realizar o Blu:Sens Monbus Obradoiro na liga ACB de baloncesto vese reflectida nas estatísticas.
Este é o resultado dun pequeno experimento que realicei nas redes sociais. Invitei a quen quixera participar a que situara nun mapa de partidos políticos de Galicia as novas forzas AGE e CxG, xusto antes de coñecermos o postelectoral do CIS.
